Hazrat Dawood Alaihissalam bhi Bani Israil ke bade Nabi guzre hain, aapka zikr Quran Paak mein kai jagah aaya hai, Surah Saad mein khususiyat se nihayat tafseel se milta hai, yah Surah Parah 23 mein hai, aap par aasmani kitab Zaboor nazil hui thi.

Hazrat Talut aur Bani Israil

Hazrat Musa Alaihissalam ke intiqal ke kafi arsa baad Bani Israil ke sardaron ne us waqt ke Nabi se kaha ki humko ek badshah ki zaroorat hai, jiski sardari mein hum Allah ke dushmanon se jang karein, Allah ke Nabi inki halat ko khoob jaante, pehle unhone inkar kar diya ki yah log buzdil hain jang wagairah kuch nahin karenge, magar jab qaum aur sardaron ka israr badha, aur wah nahi maane to Allah ke Nabi ne farmaya, Allah Ta'ala ne tumhare Talut ko badshah muqarrar kiya hai, Talut ek gareeb aadmi the, sardar log amir log Talut ka naam sunte hi naraaz ho gaye ki sardari aur badshahat to hamara haq tha, yah gareeb aadmi ko kaise mil gaya.

Hazrat Talut bade aalim, aabid, jang ke mahir aur bade bahadur taqatwar aadmi the, isliye Allah ne unko badshah muqarrar kiya tha, Allah ke nazdeek to amir w gareeb sab barabar hain, uske nazdeek wahi accha hai jo nek ho.

Logon ki tasalli ke liye us waqt ke Nabi ne yah bhi farmaya tha ki Hazrat Talut ko badshah banane ki ek nishani yah bhi hai ki us sandook mein Hazrat Musa Alaihissalam aur Hazrat Haroon Alaihissalam ki yaadgar hai use farishte utha kar tumhare paas le aayenge, chunanche farishte wah sandook unki qaum ke paas le aaye, aakhir unhone Hazrat Talut ko apna badshah bana liya.

Nahar ka Imtihan aur Jalut se Jung

Aakhir jab Talut apni fauj lekar rawana hone lage, to unhone apni qaum ki ek aazmaish ki, ki agar koi musibat aayi to yah log iska muqabla karenge ya bhaag jayenge, unhone kaha ki aage chalkar paani ki ek nahar aayegi, jisne iska paani pee liya, usko mujh se koi ta'alluq na hoga, mera aadmi wah hai jo ismein se na piye, ziyada se ziyada ek chullu peene ki ijazat hai, magar jab nahar par pahunche to chand logon ke siva sabne khoob paani pee liya, ab nahar ke paar utar gaye to kehne lage hum apne dushman Jalut se ladne ki taqat nahin rakhte magar unmein wah log jo Imaan wale the aur jinhone sirf ek ghoont paani piya tha wah pukar uthe ki aksar aisa hota hai ki Allah ke hukm se thodi si jamaat badi jamaat par galib aa jati hai, Allah hamesha sabr karne walon ka saath deta hai.

Jab yah log Jalut ke lashkar ke saamne aaye to dua ki:

Fir Allah ke hukm se unhone dushman ko shikast di.

Hazrat Dawood Alaihissalam ki Hukumat aur Faisla

Hazrat Talut ke baad Hazrat Dawood Alaihissalam ko Allah ne hukumat ata ki, aur hukumat bhi aisi ata ki ki insanon ke saath pahadon aur parindon ko bhi unka farmabardar kar diya, unko danai aur muqaddamo ke faisle karne ki liyaqat bakhshi, fir bhi wah Allah ki ibadat har waqt karte rahe, Allah ne unko hukm diya tha ki puri-puri zirhein (armour) banayein, kadiyon ke jodne mein munasib andaz ka khayal rakhein, aur apni zindagi nek kaamon par kharch karein.

Do Aadmiyon ka Jhagda (Imtihan)

Ek dafa Allah Ta'ala ne inka imtihan liya is tarah ki do aadmi deewar faand kar unke makan mein ghus aaye, jismein wah ibadat kiya karte the, aapne unhein dekha to ghabra gaye, unhone kaha aap ghabrayein nahin, hum apna jhagda lekar aaye hain:

Aapne farmaya ki jo tum se dumbi maang raha hai, ismein yah ziyadati par hai, aur aksar shareek ek dusre par ziyadati karte hain, albatta jo log Allah par Imaan rakhte hain aur nek kaam karte hain wah is ziyadati se bach jate hain magar aise shareek bahut kam hote hain.

Jab yah log chale gaye to aapko khayal guzra ki Allah ne yah mera imtihan liya hai unhone tauba ki, sajde mein gir pade aur Allah ki taraf tawajjuh ki, Allah Ta'ala ne farmaya: